நமது இலக்கு

அரும்பெரும் சாதனைகள் பலவும் சிறு விதையிலிருந்து தான் தோன்றுகின்றன.

நமது நாட்டின் பெருமையும் பழமையும் புதுமையும் தற்போதைய இழிவையும் காணக் காண, இதனை மாற்றுவதற்கான துடிப்பு முகிழ்க்கிறது. அதற்கான தொடக்கம் தான் இது. நமது நாட்டின் ஆன்றோர், சான்றோர் குறித்த தகவல் பெட்டகமாகவும், தேசநலன் விரும்பும் கட்டுரைகளின் கருவூலமாகவும் இத்தளம் இயங்கும். இப்பணி தனிப்பட்ட எங்கள் விருப்பத்திற்கானது அல்ல. நம் அனைவருக்காகவும் செய்யப்படும் இம்முயற்சிகளில் நாம் அனைவரும் பங்கேற்க வேண்டும்.

நாம் அனைவரும் சேர்ந்து தேசம் ஆகிறோம். தேசம் காப்பதில் நம் அனைவருக்கும் பங்குண்டு.

காண்க:

நமது நோக்கம்

4.11.10

பட்டாசு வெடிப்போம் வாருங்கள்!

(நாளை தீபாவளி)

பட்டாசு வெடிப்போம் வாருங்கள் - தீய
பயங்கரவாதம் ஒழியட்டும்!
மத்தாப்பு கொளுத்திட வாருங்கள் - உலகில்
மகிழ்ச்சியே எங்கும் நிறையட்டும்!

(பட்டாசு)

இல்லம் தோறும் தீப ஒளி
இருளை விரட்டி ஓட்டட்டும்!
உள்ளம் தோறும் இறையருளின்
உயர்வுத்தன்மை ஓங்கட்டும்!


(பட்டாசு)


மதத்தின் பெயரால் போர் புரியும்
மடையர்கள் உள்ளம் திருந்தட்டும்!
நிதமும் கலகம் செய்கின்ற
நீசர்கள் மனமும் திருந்தட்டும்!

(பட்டாசு)


புத்தாடைகளைப் புனைந்திடுவோம்!
புன்சிரிப்போடு வலம் வருவோம்!
தித்திக்கின்ற இனிப்புகளை
திசைகள் தோறும் பகிர்ந்திடுவோம்!

(பட்டாசு)

வேற்றுமை பரப்பும் அரசியலும்
வேதனை ஊட்டும் பிரிவினையும்
ஊற்றெனக் கிளம்பும் உட்பகையும்
உருத் தெரியாமல் ஒழியட்டும்!

(பட்டாசு)

சாதிப் பிரிவுகள் மறையட்டும்!
சமத்துவம் எங்கும் ஓங்கட்டும்!
சாதித்திடுவோர் பெருகட்டும்!
சத்தியம் உலகில் நிலைக்கட்டும்!

 (பட்டாசு)

வாழ்த்துகள் கூறி மகிழ்ந்திடுவோம்!
வாணவேடிக்கை நடத்திடுவோம்!
ஆழ்த்தும் இன்பக் கடலினிலே
அனைவரும் ஒன்றாய் நீந்திடுவோம்!

(பட்டாசு)
-வ.மு.முரளி

அனைவருக்கும் தீபத் திருநாள் நல்வாழ்த்துகள்!

.

1 கருத்து:

Perunthuraiyaan சொன்னது…

பட்டாசுக்கு எதிராகக் கருத்துச் சொல்லும் சாக்கில் தீபாவளியை எதிர்க்கும் கூட்டம் media-வில் வலம் வரும் இந்நாளில் "பட்டாசு வெடிப்போம் வாருங்கள்" என்கிற தலைப்பே மகிழ்ச்சியைத் தருகிறது.

கருத்துரையிடுக