நமது இலக்கு

அரும்பெரும் சாதனைகள் பலவும் சிறு விதையிலிருந்து தான் தோன்றுகின்றன.

நமது நாட்டின் பெருமையும் பழமையும் புதுமையும் தற்போதைய இழிவையும் காணக் காண, இதனை மாற்றுவதற்கான துடிப்பு முகிழ்க்கிறது. அதற்கான தொடக்கம் தான் இது.

இத்தளம் தேசிய சிந்தனைக் கழகத்தின் கருத்துத் தளமாக இயங்குகிறது. நமது நாட்டின் ஆன்றோர், சான்றோர் குறித்த தகவல் பெட்டகமாகவும், தேசநலன் விரும்பும் கட்டுரைகளின் கருவூலமாகவும் இத்தளம் இயங்கும்.

இப்பணி தனிப்பட்ட எங்கள் விருப்பத்திற்கானது அல்ல. நம் அனைவருக்காகவும் செய்யப்படும் இம்முயற்சிகளில் நாம் அனைவரும் பங்கேற்க வேண்டும்.

நாம் அனைவரும் சேர்ந்து தேசம் ஆகிறோம். தேசம் காப்பதில் நம் அனைவருக்கும் பங்குண்டு.

காண்க:

நமது நோக்கம்

நமது பயணம் என்றும் தொடரும்

விவேகானந்தம்150.காம்

தேசிய சிந்தனை

தேசமே தெய்வம் (புதிய தளம்)

இராமானுஜம்1000

11.11.10

தர்மம் காக்க தலையைக் கொடுத்தவர்




குரு தேக்பகதூர்
பலிதானம்: நவ. 11 (1675 )

சீக்கிய மதத்தின் ஒன்பதாவது குரு தேக்பகதூர். 1621 , ஏப்ரல் 1 ல் பிறந்தவர். குரு ஹர்கிஷனுக்கு அடுத்து சீக்கியர்களின் தலைவரானவர்.

இஸ்லாமிய  ஆட்சியாளர்களான முகலாயர்கள் இந்துக்களுக்கு அளித்த கொடுமைகளை எதிர்க்க உருவான சமயம் சீக்கியம். இதனை போர்ப்படையாக மாற்றிய குரு கோவிந்த சிம்மனின் தந்தை தேக் பகதூர்.  இவரது பாடல்கள் சீக்கியர்களின் புனித நூலான ஆதி கிரந்தம் எனப்படும் ஸ்ரீ குருகிரந்தத்தின் இறுதிப்பகுதியில் உள்ளன.

காஷ்மீரில் பண்டிட்களை  (பிராமணர்கள்) முஸ்லிம்கள் ஆக்க அட்டூழியம் புரிந்த அவுரங்கசீப்பின் படைகளை எதிர்த்த காரணத்தால் கைது செய்யப்பட குரு தேக் பகதூர்,  கொடூரமான  சித்திரவதைகளுக்கு ஆட்பட்டார்.  அவரை முஸ்லிமாக மாற்றிவிட்டால், இதர மக்களை மதம் மாற்றுவது எளிது என்று கருதிய அவுரங்கசீப், பல சித்ரவதைகளைச் செய்தார். ஆயினும் ''தலையைத் தான் இழப்பேன்; தர்மத்தை அல்ல'' என்று முழங்கி, தில்லி, சாந்தினி சௌக்கில்,  வீரமரணத்தை (11.11.1675 )  தழுவினார், சீக்கியர்களின் ஒன்பதாவது குரு.

அவரது தலைவீழ்த்தப்பட்டாலும்,ஹிந்து தர்மம் குரு கோவிந்த சிம்மனால் காக்கப்பட்டது. ஹிந்து தர்மம் காக்க, மத மாற்றத்தை எதிர்த்து உயிர்நீத்த குரு தேக்பகதூரின் நினைவுகள் என்றும் வாழும்.

காண்க:
Guru Tegh Bagadur
Guru  Tegh Bagadur
Martyrdom of Guru Tegh Bahadur
The Ninth Master
குரு கிரந்தம்
சீக்கிய பலிதானி
 .

1 கருத்து:

roshaniee சொன்னது…

வித்தியாசமான தேடலும் பதிவும் ,சீக்கிய மதம் உருவனதைப்பார்த்தால் இந்துக்களுக்கும் சீக்கியர்களுக்கும் தொடர்பு உள்ளதுபோல் !

கருத்துரையிடுக