நமது இலக்கு

அரும்பெரும் சாதனைகள் பலவும் சிறு விதையிலிருந்து தான் தோன்றுகின்றன.

நமது நாட்டின் பெருமையும் பழமையும் புதுமையும் தற்போதைய இழிவையும் காணக் காண, இதனை மாற்றுவதற்கான துடிப்பு முகிழ்க்கிறது. அதற்கான தொடக்கம் தான் இது.

இத்தளம் தேசிய சிந்தனைக் கழகத்தின் கருத்துத் தளமாக இயங்குகிறது. நமது நாட்டின் ஆன்றோர், சான்றோர் குறித்த தகவல் பெட்டகமாகவும், தேசநலன் விரும்பும் கட்டுரைகளின் கருவூலமாகவும் இத்தளம் இயங்கும்.

இப்பணி தனிப்பட்ட எங்கள் விருப்பத்திற்கானது அல்ல. நம் அனைவருக்காகவும் செய்யப்படும் இம்முயற்சிகளில் நாம் அனைவரும் பங்கேற்க வேண்டும்.

நாம் அனைவரும் சேர்ந்து தேசம் ஆகிறோம். தேசம் காப்பதில் நம் அனைவருக்கும் பங்குண்டு.

காண்க:

நமது நோக்கம்

நமது பயணம் என்றும் தொடரும்

விவேகானந்தம்150.காம்

தேசிய சிந்தனை

தேசமே தெய்வம் (புதிய தளம்)

இராமானுஜம்1000

28.6.16

ஓர் இனிய அழைப்பிதழ்



தேசிய சிந்தனைக் கழகத்தின் மாநில துணைத் தலைவரும், திருவையாறு பாரதி இலக்கியப் பயிலக இயக்குநருமான திரு. தஞ்சை வெ.கோபாலன் அவர்களின் 80-வது பிறந்த நாள் விழாவும்  அவரது இரு நூல்களின் வெளியீட்டு விழாவும் இணைந்து 03.07.2016, ஞாயிற்றுக்கிழமை, மாலை 3.30 மணியளவில் திருவையாறு சரஸ்வதி அம்மாள் தொடக்கப் பள்ளியில் கொண்டாடப்பட உள்ளன.

விழா அழைப்பிதழ் இத்துடன் உள்ளது. அனைவரும் வருக!

அழைப்பிதழின் மீது சொடுக்கினால் பெரிதாக்கிப் படிக்கலாம்...


அன்னாருக்கு  தேசிய சிந்தனைக் கழகத்தின் மனமார்ந்த வாழ்த்துகள்!

.


19.6.16

தேசமும் தேகமும்

-திருநின்றவூர் ரவிக்குமார்

சிந்தனைக்களம்


தேசமென்றால்  நம் பாரத மணித்திருநாடு. அதில் பிறந்து வாழ்ச்சி பெற தர்ம சாதனமான தேகத்தை ஸ்ரீமந் நாராயணன் கருணையுடன் நமக்கு அளித்துள்ளான். வழிகாட்டியாக தர்ம சாத்திரங்களைத் தந்தருளினான்.

ஆனால் இங்கு தேகம் என்பது பகவான் உவந்து எழுந்தருளியுள்ள அர்ச்சாஸ்தலமாகிய திவ்யதேசம். தேகம் என்பது ஞானமும் ஞானத்தினால் பக்குவம் பெற்ற பக்தியும் உடைய சம்சாரியுடைய உடம்பு.