கவியரசு கண்ணதாசன்
நினைவு தினம்: அக்.17
தமிழ்மொழிக்கு துள்ளும் நடையை வழங்கிச் சென்றவர் கண்ணதாசன். துவக்கத்தில் நாத்திகராக இருந்து, பிறகு ஆத்திகரானவர். இவர் எழுதிய 'அர்த்தமுள்ள இந்துமதம்' வெளிவந்த காலத்தில் கடவுள் நிந்தனை செய்தவர்களுக்கு சரியான பதிலடியாகத் திகழ்ந்தது. வனவாசம், ஏசு காவியம், மாங்கனி, கடைசிப் பக்கம் உள்ளிட்ட எண்ணற்ற நூல்களை எழுதியுள்ளார்.
திரைப்படப் பாடலாசிரியாரக முப்பது ஆண்டுகளுக்கு மேல் கோலோச்சியவர். தனது பாடல்களில் சமூகக் கருத்துக்களையும் செந்தமிழையும் புகுத்தி, திரைப்பாடல்களுக்கு புதுச்சுவை சேர்த்தவர். தனது சேரமான் காதலி புதினத்திற்காக 'சாகித்ய அகாதெமி' விருது (1980) பெற்றவர். தமிழகத்தில் தேசியமும் தெய்வீகமும் வளர பெருந்துணை புரிந்தவர்.
பிறந்த நாள்: 24 , ஜூன், 1927. தமிழக அரசவைப் புலவராக வீற்றிருந்த பெருமை இவருக்குண்டு. 1981-ல் மறைந்தார்.
காண்க: கண்ணதாசன்
.
கருத்துகள் இல்லை:
கருத்துரையிடுக